張相影得唔係咁清楚, 實物係勁閃同比較光身嘅!

話說, 好耐之前一號買左個好靚嘅珠仔袋, 因為係澳門買番黎嘅關係, 所以一直都無走去買, 因為加埋車馬費可以買多一個, 咁啱我家下做緊果份吊命part time叫我過澳門head office, 嘅然有人出船費, 咁梗係死人都走去買返個啦!

賣袋位大叔真係超級藝術家(連脾氣都係), 不過佢講野又真係好中肯.  全人手造嘅珠仔袋, 若果唔係咁執著, 真係好難做到今時今日.  阿叔仲同我講佢要每日游水keep fit, 若果唔係無精神做落去.  雖然佢加左價, 不過全手製, 比起香港, 都仲係抵好多.  阿叔仲話個袋終身免費維修, 我諗佢檔野一日仲係度, 佢都會整, 不過呢d藝術家做野我梗係覺得充满變數, 唔計呢樣, 山長水遠, 係咪真係有人拎返去整, 真係一個迷.